Mary Lea Forsythe nga Sand Springs u njoh nga njëqindvjeçarët e Oklahomas ku iu dha një certifikate për moshën e saj. Ndonëse 100 vjeç, Forsythe e ka festuar ditëlindjen 25 herë dhe arsyeja është se ajo ka lindur në 29 shkurt të vitit 924 siç njihet si vit i brisht. Festimi i ditëlindjes një herë në katër vite Forsythe e cilësoi si të veçantë dhe se ishte argëtuese.
“Gjithmonë kam menduar se jam e bekuar. Ishte shumë argëtuese. Ne festuam sa herë që donim,” tha ajo.
Forsythe tha se ajo ndonjëherë festonte në ditët rreth ditëlindjes së saj në ato vite, duke përfshirë ditëlindjen e bashkëshortit të saj të ndjerë, 6 Mars. Ajo kujtoi në mënyrë specifike një vit në të cilin shkoi me bashkëshortin e saj William Wayne Forsythe në një darkë që ofronte mëngjes falas për këdo që festonte ditëlindjen në datëlindjen e tij.
“Ditëlindja e tij është 6 Mars, dhe e imja është 29 Shkurt. Dhe nuk ka datë 29 në kalendar këtë vit. Pra, e imja është 6 Mars,” kujton ajo dhe më pas ata hëngrën falas atë ditë.
Forsythe do të festojë 100 vjetorin e saj më 29 shkurt në kishën e saj lokale, ku është planifikuar një festë e madhe. Për të pranishmit në feste ajo ka vetëm një rregull, që nuk do dhurata.
“Jo dhurata, të lutem. Nuk dua asgjë për të ruajtur. Oh, është vetëm një kohë argëtuese për të jetuar. Unë do t’ju them, është një kohë e shkëlqyer për të jetuar,” shtoi ajo.
