Shtetet e Bashkuara do të furnizojnë Ukrainën me 23 anije luftarake Metal Shark në mes të pushtimit të vazhdueshëm rus. Kjo do të ndihmojë Kievin të mbrojë brigjet, rrugët ujore dhe portet e tij nga anijet ruse.
Sipas Metal Shark, grupi i parë i gjashtë anijeve luftarake detare që do të dërgohen si pjesë e një pakete ndihme sigurie prej 450 milionë dollarësh u njoftua javën e kaluar. Kompania do të prodhojë 17 anije shtesë për Ukrainën, duke përfshirë 10 skafe patrullimi Defiant, katër varka patrullimi Defiant dhe tre anije interceptuese ushtarake Fearless. 23 anijet luftarake “të sprovuara në beteja” thuhet se janë optimizuar për të mbështetur misionet e marinës ukrainase. Metal Shark theksoi se anijet ushtarake që do të dorëzohen në Ukrainë janë pjesë e një strategjie afatgjatë të politikës së jashtme.
Megjithatë, pushtimi i fundit i Ukrainës dhe thirrja për më shumë pajisje në Kiev e kanë nxitur kompaninë të përshpejtojë fazën e prodhimit.
“Metal Shark ka bashkëpunuar ngushtë me Ambasadën e SHBA-së në Kiev që nga viti 2019 për të zhvilluar strategjinë aktualisht në fuqi për të mbështetur aftësitë detare të Ukrainës, kështu që është kënaqësi të shohësh që anijet do të mbërrijnë tani kur janë më se të nevojshme.” – tha zëvendëspresidenti i Metal Shark. Henry Irizarry.
