Konsumi i kanabisit bëhet i ligjshëm në Gjermani nga 1 Prilli. Me një ligj të votuar në Parlament dhe miratuar me “po”-në e SPD-së, të Gjelbërve dhe Liberalëve në qeveri (dhe të majtës në opozitë), Gjermania bëhet kështu vendi i parë i madh evropian dhe ndër të paktët në botë që legalizon kanabisin.
Një ditë historike, e cilësuan mbështetësit e ligjit në Parlament, dhe si një pikë kthese në politikën e frenimit dhe rregullimit të drogës. Është një ligj progresiv dhe libertar, të cilin qeveria Scholz e premtoi me marrjen e detyrës dhe që u përball me shumë kritika në fund. Të rriturit do të jenë në gjendje të kultivojnë dhe posedojnë deri në 25 gramë marihuanë, si dhe të jenë në gjendje të mbajnë deri në tre bimë në banesën e tyre për një maksimum prej 50 gramësh. Ky është plani i madh retroaktiv i dekriminalizimit që përcakton ligji.
“Atyre që kanë konsumuar kanabis vitet e fundit, sot duam t’ju themi, nga sot nuk jeni më kriminelë” tha veterani i SPD-së, Heike Baehrens.
Çdo anëtar do të ketë të drejtë për 25 gramë në ditë dhe maksimum 50 gramë në muaj “bar”. Fëmijët e moshës 18 dhe 21 vjeç, do të mund të marrin deri në 30 gram në muaj. Kufijtë për “zonat pa kanabis” janë shumë të ashpra. Nuk do të mund të pish në një rreze prej njëqind metrash nga shkolla, kopshte, kënde lojërash apo pranë fushave sportive. Një gjë e tillë do të jetë e ndaluar edhe në zonat e këmbësorëve . Për më tepër, është e rëndësishme të theksohet se shitja fillimisht, qoftë edhe online, do të ndalohet. Vetëm në një fazë të dytë do të lejohet marketingu për një periudhë eksperimentale prej 5 vjetësh. Berlini dhe Bremeni tashmë kanë shprehur interes. I gjithë projekti do të auditohet çdo vit, me një vlerësim përfundimtar në katër për të vendosur nëse do ta mirëmbajë atë. Shumë janë kundër ligjit. Edhe brenda qeverisë, sidomos nga SPD-ja, votuan kundër dy dhjetëra deputetë.
Një apel për të vlerësuar më mirë pasojat erdhi edhe nga Qendra Gjermane për Shëndetin Mendor e cila paralajmëron të mos neglizhohen rreziqet serioze shëndetësore që lidhen me përdorimin e kanabisit.
“Parandalimi dhe mbrojtja e të rinjve janë të domosdoshme. Truri i të rinjve është ende në zhvillim, edhe konsumimi modest para moshës 18 vjeç mund të kontribuojë në probleme afatgjata dhe sëmundje mendore si depresioni ose psikoza. Prandaj, nevojiten masa adekuate mbrojtëse dhe oferta e ndihmës së hershme”, tha zëdhënësi i DZPG, Andreas Heinz.
Truri, paralajmërojnë ata, stabilizohet vetëm rreth moshës 25 vjeçare. Por duhet thënë se konsumimi i kanabisit deri në moshën 18 vjeç mbetet i ndaluar.
