Derbi i sotëm mes Partizanit dhe Tiranës në “Air Albania” mbahet sot në orën 19:00. Klubi i kuq sot është edhe pritësi i sfidës legjendare, ku priten rreth 15.000 tifozë në stadium.
Përsa i përket renditjes në Kategorinë Superiore, Partizani qëndron në vend tyë dytë me 37 pikë dhe Tirana në vend të 4 me 34 pikë.
Policia e Shtetit si zakonisht ka thirrur në takim përfaqësuesit e dy klubeve dhe krerët e tifozërive ultrase. Në këtë mbledhje janë përcaktuar të gjitha masat e sigurisë, si dhe janë caktuar edhe rrugët nga ku tifozëritë do të kalojnë gjatë marshimit të tyre. Qëllimi është që të mos ketë përleshje në rrugë.
Aktualisht, biletat mund t’i siguroni në stadiumin “Selman Stërmasi”, nga ora 10:00 deri në 18:00, si dhe “online”.
