Një listë e çuditshme rregullash për mësueset femra e shtypur në një kontratë punëdhënësi nga viti 1923 ka ngritur habi pasi u postua në mediat sociale.
Imazhi u ngarkua në një grup australian në Facebook dhe detajonte 14 rregulla që diktojnë se çfarë mund të pijë, të veshë mësuesja e punësuar dhe madje edhe ku mund të shoqërohet.
Marrëveshja e detajuar i ndalonte mësuesit të hipnin në të njëjtin mjet me një mashkull, të martoheshin ose të largoheshin nga qyteti pa leje.
Kodi i veshjes për mësuesit në shkollë në vitin 1923 ndalonte ngjyrat e ndezura, grimin, flokët e lyer dhe këmbënguli që mësuesit “të vishnin të paktën dy petka”.
Arsimi nuk ishte detyra e vetme në rendin e ditës me mësuesit që pritej të punonin si portier për klasën “duke pastruar dyshemenë çdo javë” dhe madje duke ndezur oxhakun në orën 7 të mëngjesit “për të ngrohur dhomën” për studentët që e nisën ditën në ora 8 e mëngjesit.
Ja çfarë përmbante një kontratë pune për mësuese në vitin 1923 në SHBA:
Zonja pajtohet që të:
1.Mos martohet. Kjo kontratë anulohet automatikisht nëse mësuesja martohet.
- Mos shoqërohet me meshkuj.
- Qëndrojë në shtëpi ndërmjet orës 20:00 – 06:00 në mëngjes.
- Mos hyjë në ëmbëltore të qendrës së qytetit.
- Mos ta lëshojë vendin pa ndonjë arsye dhe pa lejen e presidentit të Këshillit të Delegatëve.
- Mos tymosë cigare. Kjo kontratë anulohet automatikisht nëse mësuesja ndez cigare.
- Mos pijë birrë, verë ose uiski. Kjo kontratë anulohet automatikisht nëse mësuesja gjendet duke pirë birrë, verë ose uiski.
- Mos udhëtojë në veturë ose automobil me asnjë mashkull, përveç nëse ai është i vëllai ose babai i saj.
- Mos të veshë rroba me ngjyra që shkëlqejnë.
- Mos t’i ngjyrosë flokët.
- T’i përdorë të paktën dy gjëra femërore.
- Të mos përdorë veshje që janë më shumë se pesë centimetra më lartë se gjunjët.
- Ta mbajë klasën e pastër:
- a) Ta pastrojë dyshemenë së paku njëherë në ditë.
- b) Ta pastrojë dyshemenë me ujë të nxehtë së paku njëherë në javë.
- c) Ta pastrojë dërrasën e zezë së paku njëherë në ditë.
- d) Ta ndezë zjarrin në orën 07:00 në mëngjes, në mënyrë që të jetë e nxehtë kur fëmijët të mbërrijnë në orën 08:00.
- Të mos përdorë krem të fytyrës dhe as makijazh për buzë.
