Cilat ishin fjalët e fundit që thanë pak para se të largoheshin nga jeta disa nga personalitetet më të famshme botërore?
Dituria, filozofia dhe mençuria të përmbledhura vetëm në pak fjalë…
Nostradamus
“Nuk do më gjesh të gjallë në agim”, ishin fjalët e tij të fundit, që ia tha sekretarit një natë para se të vdiste.
Karl Marx
“Fjalët e fundit janë për budallenjtë që nuk kanë thënë mjaftueshëm”, tha ai pak para se të vdiste në mars 1883.
Arkimedi
Fjalët e fundit të matematikanit, “mos më shqetëso rrathët e mi”, i referohen rrathëve në planin e tij matematikor që po studionte kur u ndërpre nga ushtari romak, i cili e vrau.
Leonardo da Vinçi
“Kam fyer Zotin dhe njerëzit, sepse veprat e mia nuk përftuan cilësinë që duhej të kishin” ishin fjalët e tij të fundit.
Napoleoni
“Franca, ushtria, Jo… ze…fi…na…!” duket se kanë qenë fjalët e fundit të Napoleonit të Madh, i cili mbylli sytë duke belbëzuar emrin e gruas së tij.
Charles Darwin
Ky shkencëtar i madh guxoi të thoshte në shtratin e tij të vdekjes: “Unë nuk kam as frikën e vdekjes”.
Oscar Wilde
“Unë po iki, por do të rikthehem!”, tha poeti më frymën e tij të fundit.
