Presidenti Joe Biden tha se administrata e tij do të angazhojë më shumë se 8 miliardë dollarë në financimin e sektorit privat dhe publik, si pjesë e planeve të saj për t’i dhënë fund urisë dhe për të reduktuar sëmundjet e lidhura me dietën deri në vitin 2030.
“Unë me të vërtetë e di se ne mund ta bëjmë këtë, t’i japim fund urisë në këtë vend deri në vitin 2030 dhe të ulim numrin e sëmundjeve të lidhura me dietën që kanë shumë amerikanë,” tha Biden gjatë një konference mbi urinë, ushqimin dhe shëndetin në Uashington, D.C. , te merkuren. “Ky qëllim është brenda mundësive tona, vetëm shikoni se sa larg kemi arritur në uljen e varfërisë se fëmijëve.”
Konferenca përshkroi veprime të reja që udhëheqësit e biznesit, qytetarë, akademikë dhe filantropikë do të ndërmarrin për të përmirësuar aksesin dhe përballueshmërinë e ushqimit, për të ndihmuar konsumatorët të bëjnë zgjedhje të shëndetshme diete, për të mbështetur aktivitetin fizik dhe për të përmirësuar kërkimin mbi ushqimin dhe sigurinë ushqimore.
Nga 8 miliardë dollarë në angazhime të reja të investuara në aksion, të paktën 2.5 miliardë dollarë do të shkojnë për kompanitë fillestare të fokusuara në zgjidhjet për urinë dhe pasigurinë ushqimore. Më shumë se 4 miliardë dollarë do të shkojnë për filantropinë që synon përmirësimin e aksesit në ushqime ushqyese, promovimin e zgjedhjeve të shëndetshme dhe rritjen e aktivitetit fizik.
Konferenca vjen më shumë se 50 vjet pas ngjarjes së parë të tillë, gjatë administratës së Nixon, e cila çoi në krijimin dhe zgjerimin e programeve të tilla si SNAP, Programi Special i Ushqimit Suplementar për Gratë, Foshnjat dhe Fëmijët, dhe Mëngjesi dhe Dreka Kombëtare e Shkollës.
