Komplikime të mëtejshme ka të ngjarë në marrëdhëniet e Rusisë dhe Kinës me Perëndimin, thotë Aleksandar Vuçiç.
“Unë supozoj se po i afrohemi një lufte të madhe dhe tani pyetja është se ku janë kufijtë dhe nëse do të shkojmë ndoshta pas një muaji ose dy, në një konflikt të madh botëror. të tillë si nuk e kemi patur që nga Lufta e Dytë Botërore,” tha ai.
Në një ose dy muaj, bota mund të hyjë në një konflikt të përmasave të papara që nga Lufta e Dytë Botërore, tha dje, presidenti serb Aleksandar Vuçiç.
Vuçiç, i cili ndodhet në Nju Jork për Asamblenë e Përgjithshme të OKB-së, tha se pret komplikime të mëtejshme në marrëdhëniet e Rusisë dhe Kinës me Perëndimin.
“Unë pres që gjithçka që do të shohim në periudhën e ardhshme do të komplikojë më tej marrëdhëniet midis Perëndimit dhe Rusisë, por edhe midis Perëndimit dhe Kinës,” tha ai.
Tensionet mes Serbisë dhe Kosovës
Vuçiq tha se një vend tjetër ka vendosur të tërheqë njohjen e pavarësisë së Kosovës.
Muajin e kaluar, Vuçiç pretendoi se shtatë vende po anulonin njohjen e Kosovës si shtet i pavarur.
Kosova shpalli pavarësinë e saj nga Serbia në vitin 2008, me shumicën e shteteve anëtare të OKB-së, përfshirë SHBA-në, Britaninë e Madhe, Francën, Gjermaninë dhe Turqinë, duke e njohur atë si një vend autonom nga fqinji i saj.
Serbia vazhdon ta shohë Kosovën si territorin e saj, ndërsa Rusia dhe Kina janë ndër vendet që ende nuk e kanë njohur pavarësinë e Kosovës.
