Një raport i Komisionit Evropian për cilësinë e jetës e ka vendosur Athinën në vendin më të ulët, pasi vetëm 65 përqind e banorëve pohuan se janë të kënaqur me cilësinë e jetës.
Qytet i famshëm i cili është ndër destinacionet më të njohura turistike është cilësuar si vendi më i keq në Evropë për të jetuar. Athina, kryeqyteti i Greqisë është ndër qytetet më të vjetra në botë.
Pavarësisht se po fiton popullaritet në mesin e turistëve, qyteti nuk ka arritur t’i bëjë përshtypje banorëve të tij. Një raport i Komisionit Evropian për cilësinë e jetës e ka vendosur Athinën në vendin më të ulët, pasi vetëm 65 përqind e banorëve pohuan se janë të kënaqur me cilësinë e jetës.
Më shumë se 71,000 pjesëmarrës u intervistuan për studimin vitin e kaluar, duke përfshirë një minimum prej 839 banorësh nga secili qytet në listë.
Studiuesit thanë: “Niveli i kënaqësisë së përgjithshme në qytet ndryshon ndjeshëm në qytete, duke përfshirë brenda të njëjtit vend. Diferencat më të mëdha brenda vendit vërehen në Itali, Turqi dhe Greqi. Në Itali, përqindjet e banorëve të kënaqur me qytetin ku jetojnë variojnë midis 89 përqind në Verona dhe 62 përqind në Palermo, një diferencë prej 27 pikë përqindjeje (pp).
Vetëm 65 për qind e njerëzve që jetojnë në Stamboll janë të kënaqur me jetën në qytetin e tyre, krahasuar me 91 për qind të atyre që jetojnë në Antalia.
“Dy qytetet greke në anketë rezultojnë nën mesataren e përgjithshme, me përqindjen më të ulët të gjetur në Athinë (65 për qind) dhe më të lartën në Heraklion, ku 81 për qind e banorëve janë të kënaqur me jetën në qytetin e tyre.
Megjithatë, qyteti turistik mbetet një destinacion popullor pushimesh.
Ky qytet, me rrënjët e tij në edukimin e qytetërimit perëndimor mijëra vjet më parë, vazhdon të mbajë një pozitë të spikatur në skenën globale sot.
