Policia e Napolit në orët e para të mëngjesit të sotëm ka ndërmarrë një operacion antidrogë duke shpallur 29 urdhërarreste për persona që janë pjesë e dy bandave që merren me trafikun e lëndës narkotike dhe ruajtjen e saj me qëllim tregtimin në Napoli.
Nga hetimet zbulohet se kokaina vinte në Europë nga Panamaja me nëndetëse.
Një nga personat e arrestuar është shqiptar dhe në dosje është dhe një bisedë e përgjuar e qershorit 2021 ku ai komunikon me një bashkatdhetar që sapo kishte zbritur në Napoli.
Dy bandat kishin në dispozicion armë zjarri dhe automjete të pajisura me një “sistem fshehjeje”. Gjatë këtyre hetimeve u sekuestruan afërsisht një kuintal lëndë narkotike të llojeve të ndryshme, armë zjarri, disa makina të pajisura me “sistem fshehjeje”, një mjet shpërthyes dhe qindra municione të kalibrave të ndryshëm.
