Shqipëria ngjit 3 shkallë në klasifikimin e FIFA-s të përditësuar këtë të enjte, duke u renditur aktualisht në vendin e 65-të në botë. Kuqezinjtë lënë pas Maqedoninë e Veriut dhe Islandën, pikërisht falë fitoreve ndaj Moldavisë (2-0) dhe Ishujve Faroe (1-3).
Natyrisht nuk është një ngjitje kolosale, kjo ndoshta nisur edhe nga koeficientet që vlerësojnë më pak kundërshtarë të rangut më të ulët, siç konsiderohen Moldavia dhe Ishujt Faroe.Por që janë padyshim një motiv për Sylvinhon dhe grupin kuqezi për të forcuar bindjen vendimtare për kualifikimin në Europian sfidat e shtatorit me Çekinë në datën 7 shtator në transfertë, dhe me Poloninë tri ditë më pas në “Air Albania”.
