Data 2 Prill u zgjodh për të festuar botërisht Ditën e Librit për Fëmijë më 1967 nga Bordi Ndërkombëtar mbi Librat për Fëmijë dhe arsyeja ishte për të përkujtuar autorin e madh danez Hans Christian Andersen që përrallat e tij, përbëjnë një volum me 156 tregime dhe janë përkthyer në më shumë se 125 gjuhë. Ato më të famshme përfshijnë: “Rrobat e reja të perandorit”, “Sirena e vogël”, “Bilbili”, “Ushtari prej plumbi”, “Këpucët e kuqe”, “Princesha dhe bizelja”, “Mbretëresha e borës” , “Rosa e shëmtuar”, “Vajza e vogël e shkrepëseve” etj. Historitë e tij kanë frymëzuar baletë, shfaqje dhe filma të animuar dhe live. Prandaj rilexoni librat e fëmijërisë ose ia dhuroni ato fëmijëve apo nipërve tuaj.
Shihni botimet e reja të librave për fëmijë dhe ndihmojini fëmijët të mësojnë të duan të lexojnë.
Dita e Librit për Fëmijë feston mijëra libra që prindërit kanë lexuar dhe ndarë me fëmijët e tyre për të inkurajuar shkrim-leximin dhe për të nxitur rritjen e imagjinatës së tyre në mënyrë që njerëzit në mbarë botën të shijojnë një libër të mirë!
Është një ditë për të frymëzuar të tjerët për të lexuar, si dhe për të tërhequr vëmendjen veçanërisht te librat për fëmijë.
Nëse keni fëmijë, thjesht leximi i një libri me fëmijën tuaj është mënyra më e përsosur që ju të përfshiheni në këtë ditë.
Në fund të fundit, nuk duhet të nënvlerësojmë se sa e rëndësishme është Dita e Librit për Fëmijë.
Ka një sërë përfitimesh që lidhen me leximin në tërësi. Kjo përfshin nxitjen e imagjinatës dhe ndjeshmërisë. Leximi u hap fëmijëve horizonte të reja. Kjo i ndihmon ata të mendojnë jashtë kornizave, duke u angazhuar me botën e jashtme në mënyra që nuk e kishin bërë më parë.
Leximi gjithashtu do ta ndihmojë fëmijën tuaj të përmirësojë fjalorin e tij. Sasia e terminologjisë së përdorur nga një fëmijë do të rritet me leximin e shpeshtë. Leximi është gjithashtu një ushtrim i rëndësishëm i trurit. Ai angazhon dhe ushtron trurin në mënyrë që të mund të bëjë lidhje të përmirësuara nervore.
Nuk duhet të harrojmë as rritjen morale që do të marrë fëmija juaj. Kur fëmija juaj është në gjendje të lexojë diçka me sukses dhe ju e duartrokitni për këtë, kjo do t’i japë atij besimin që i nevojitet për të vazhduar përparimin e tij.
