Dita Botërore kundër Censurës Kibernetike është një ngjarje në internet që mbahet çdo vit më 12 mars për të tërhequr vëmendjen mbi mënyrat se si qeveritë në mbarë botën po frenojnë dhe censurojnë fjalën e lirë në internet.
Dita u festua për herë të parë më 12 mars 2008 me kërkesë të Reporterëve pa Kufij dhe Amnesty International. Një letër e shkruar nga Jean-François Julliard, Sekretari i Përgjithshëm i Reporterëve pa Kufij, dhe Larry Cox, Drejtor Ekzekutiv i Amnesty International, iu dërgua Kryeshefave Ekzekutiv të Google, Yahoo! dhe Microsoft Corporation për të kërkuar vëzhgimin e Ditës.
Ngjarja vjetore simbolizohet nga një logo e krijuar nga Reporterët pa Kufij, e përbërë nga një mi kompjuterik që shkëputet nga një zinxhir.
