Emigrantët shqiptarë janë burgosur pasi policia bastisi një magazinë pranë Wakefield dhe zbuloi një fermë kanabisi prej 1 milion paund. Zef Gjoka dhe Dritan Mrozi, të dy 35 vjeç, u përpoqën të iknin kur oficerët hynë në ndërtesën e ish-uzinës në rrugën Malvern. Një i tretë u largua.
Policia gjeti fermën e cila ishte në një “shkallë industriale” me më shumë se 1,100 bimë kanabisi, të aftë për të prodhuar deri në 100 kg drogë. Sistemi i ndriçimit dhe vaditjes me vlerë 30,000 £ u sekuestrua direkt. Kishte edhe dhoma banimi, duke përfshirë shtretër dhe një kuzhinë. Të dy të pandehurit, të cilët nuk kanë adresë fikse, pranuan akuzën e prodhimit të kanabisit. Ata u shfaqën në Gjykatën e Kurorës në Leeds të Anglisë përmes lidhjes video nga HMP Leeds, ku ishin në paraburgim. Avokat Andrew Stranex duke përfaqësuar Gjokën, tha se ai ishte dërguar në magazinë pasi ishte ngritur dhe ishte urdhëruar të ‘fermonte’ të korrat.
Duke argumentuar se ai luajti një rol më të vogël në organizim, shtoi se: “Gjoka nuk kishte asnjë ndikim mbi askënd.”
