Zbulimet rreth Shakira & Piqué pas ndarjes së tyre kanë marrë formën e një orteku. Dhe këto ndonjëherë shqetësojnë jo vetëm çiftin, por edhe mjedisin e tyre. Një shembull është videoja që po qarkullon në rrjetet sociale që tregon marrëdhënien mes këngëtares latine dhe vjehrrës së saj.
Është një video e vjetër – e cila është bërë virale në rrjetet sociale orët e fundit – dhe tregon nënën e Piqué, Montserrat Bernabeu, duke folur me Shakirën dhe duke bërë një gjest me gishtin e saj për të mbyllur gojën. Reagimi i këngëtares nuk është i dukshëm në kamera.
Por nga stili i vjehrrës, kuptohet se biseda mes tyre nuk po zhvillohet në një atmosferë shumë të bukur.
Pique, i cili në atë moment është pranë nënës së tij, duket se as nuk i kushton vëmendje skenës dhe vazhdon të flasë me dikë tjetër.
