Kur keni depresion ose ankth, ushtrimet dhe sporti shpesh duken si gjëja e fundit që dëshironi të bëni. Por sapo të motivoheni, stërvitja mund të bëjë një ndryshim të madh, sidomos në uljen e depresionit te të rinjtë, një fenomen shqetësues sa vjen e në rritje.
Sporti ndihmon në parandalimin dhe përmirësimin e një sërë problemesh shëndetësore, duke përfshirë presionin e lartë të gjakut, diabetin dhe artritin. Hulumtimet mbi depresionin dhe ankthin tregojnë se përfitimet psikologjike dhe fizike të ushtrimeve mund të ndihmojnë gjithashtu në përmirësimin e humorit dhe në uljen e ankthit. Ushtrimi i rregullt gjithashtu mund të ndihmojë që depresioni dhe ankthi të mos kthehen më pasi të ndiheni më mirë
Si e ndihmon stërvitja depresionin dhe ankthin?
Ushtrimi i rregullt mund të ndihmojë në lehtësimin e depresionit dhe ankthit duke:
Lëshuar endorfinë që jep ndjesinë e të ndjerit mirë, kimikate natyrale të trurit të ngjashme me kanabisin dhe kimikate të tjera natyrore të trurit që përmirësojnë ndjenjën tuaj të mirëqenies.
Larguar mendjen nga shqetësimet në mënyrë që të mund të shkëputeni nga cikli i mendimeve negative që ushqejnë depresionin dhe ankthin.
Ushtrimi i rregullt ka gjithashtu shumë përfitime psikologjike dhe emocionale. Mund t’ju ndihmojë:
Të fitoni vetëbesim. Përmbushja e qëllimeve ose sfidave të ushtrimeve, qoftë edhe të vogla, mund të rrisë vetëbesimin tuaj. Të jesh në formë gjithashtu mund t’ju bëjë të ndiheni më mirë për pamjen tuaj.
Keni më shumë ndërveprim social. Ushtrimet dhe aktiviteti fizik mund t’ju japin mundësinë të takoheni ose të shoqëroheni me të tjerët. Thjesht shkëmbimi i një buzëqeshjeje miqësore ose përshëndetja ndërsa ecni nëpër lagjen tuaj mund të ndihmojë të ndiheni më mire.
Përballeni në mënyrë të shëndetshme me depression, duke ju larguar veseve. Të bësh diçka pozitive për të menaxhuar depresionin ose ankthin është një strategji e shëndetshme përballimi. Përpjekja për t’u ndjerë më mirë duke pirë alkool, duke u ndalur në mënyrën se si ndiheni, ose duke shpresuar se depresioni ose ankthi do të largohen vetë, mund të çojë në përkeqësim të simptomave.
