Frontmeni i Aerosmith, Steven Tyler është akuzuar për abuzim seksual të një të miture dhe shkaktim të qëllimshëm të shqetësimit emocional. Ankuesja ishte vënë nën kujdestarinë e tij në moshën 16 vjeçare.
Gruaja që paraqiti ankesën pretendon se kishte një marrëdhënie me interpretuesin kur ishte adoleshente dhe ajo ngriti një padi kundër tij për sulm seksual në shtetin e Kalifornisë, i cili nuk ka statut kufizimesh për vepra të tilla.
Në veçanti, 65-vjeçarja Julia Halcomb pretendoi se ishte nën kujdestarinë e Tyler në vitin 1974, kur ishte 16 vjeç. Tyler ishte në fillim të të 20-ave.
Sipas New York Post, të dy u takuan në një koncert të Aerosmith në Oregon dhe jo shumë kohë më vonë, Tyler e bindi nënën e 16-vjeçares që t’i jepte kujdestarinë e saj.
“Ai përmendi se donte letrat e kujdestarisë që unë të mund të udhëtoja me të kur ai ishte në turne,” shkroi Julia Halcomb në LifeSiteNews në 2011. “I thashë që nëna ime nuk do të ma jepte. E pyeta se si e bindi ta bënte atë. Ai tha: “I thashë se më duhej për të të regjistruar në shkollë.”
Julia Halcomb pretendoi se ajo ishte abuzuar nga interpretuesi i famshëm nga viti 1973 deri në 1976, por “ajo ishte e pafuqishme për të luftuar për shkak të fuqisë, famës dhe statusit të tij financiar”.
Ajo gjithashtu deklaroi se Tyler “e detyroi atë dhe e bindi të besonte se ata ishin në një lidhje dashurie romantike”.
Vihet re se frontmeni i Aerosmith në autobiografinë e tij, “A ju shqetëson zhurma në kokën time?” ka përmendur një lidhje me një 16-vjeçare dhe në mirënjohje ka përfshirë emrin “Julia Halcomb”.
Së fundmi, kujtohet se Halcomb, në deponimin e saj të mëparshëm, kishte pretenduar se në vitin 1975 kishte mbetur shtatzënë, pasi Tyler i kishte hedhur kontraceptivët nga ballkoni i hotelit ku ata po qëndronin. Pasi ka rënë zjarri në shtëpinë e tyre, ajo ka abortuar edhe pse ishte shtatzënë në muajin e pestë.
Ajo pohoi se Tyler “më tha se duhej të bëja një abort për shkak të dëmit që tymi dhe mungesa e oksigjenit kishin shkaktuar në mushkëritë e mia”.
