Delet mund të shihen duke ecur në lëvizje rrethore të vazhdueshme në drejtim të akrepave të orës, në një fermë në Kinën veriore, për 12 ditë pa u ndalur.
Spektakli befasues i ka lënë njerëzit të tronditur dhe konfuzë teksa përpiqen t’i japin kuptim sjelljes së pazakontë të këtyre dhenve.
Pronarja e deleve, znj. Miao, mbeti e shtangur nga sjellja e kopesë së saj.
Ajo tha se filloi me vetëm disa dele përpara se të bashkohej e gjithë kopeja në këtë lëvizje rrethore.
Në pamjet, të filmuara nga CCTV, qindra dele mund të shihen duke ndjekur njëra-tjetrën në një rreth.
Dele të tjera janë duke qëndruar në mes të një rrethi, me disa që përfundimisht vendosin të bashkohen me shoqet e tyre.
Por disa mbetën në qendër të rrethit duke qëndruar plotësisht të palëvizura.
Videot misterioze u filmuan në qytetin Baotou në Mongolinë e Brendshme.
Në fermë ka 34 kullosa delesh, por vetëm delet në numrin 13 lëvizën në formën rrethore qarkulluese.
