Për herë të parë, nata e zezë e 11 shtatorit në Nju Jork u ndriçua nga dritat e asaj që nuk është më “struktura” e kishës së Shën Nikollës, por është zyrtarisht e shenjtëruara “Shenjtëria Kombëtare Ortodokse Greke e Shën Nikollës, në Qendrën Botërore të Tregtisë”. Ndërtesa e mëparshme (ndërtuar nga emigrantët grekë në vitin 1892) u shkatërrua plotësisht në shembjen e Kullës së Jugut, u deshën 21 vjet dhe një shumë e pallogaritshme parash – përfshirë treqind mijë euro të dhuruara nga Bashkia e Barit – me mungesa, skandale dhe hetimet se e ngadalësuan punën, për të arritur në rezultatin aktual dhe këtë rilindje ndriçuese.
Struktura, që mban firmën e arkitektit Santiago Calatrava, u shenjtërua 4 korrikun e kaluar, ditën e Pavarësisë së Shteteve të Bashkuara. Dhe dje transmetimet kombëtare si Fox News i dhanë hapësirë të mjaftueshme asaj kupole që shkëlqente natën e zisë. Ndërtesa “feston vlerat amerikane të lirisë fetare dhe përfaqëson një simbol të kundërshtimit ndaj forcave të intolerancës fetare në mbarë botën”, tha Michael Psaros, i cili është nënkryetar i Miqve të Shën Nikollës.
“E vetmja faltore kombëtare në Nju Jork – shtoi Psaros – u ndërtua si simbol i paqes dhe dashurisë në përgjigje të aktit të dhunës dhe urrejtjes”. Psaros tha se inaugurimi zyrtar do të bëhet më 1 nëntor: “ Ky Tempull Kombëtar Fetar është i hapur për njerëzit e të gjitha besimeve e të të gjitha kombësive dhe ftoj Amerikën dhe botën në emrin tonë të vijnë të na vizitojnë”. Fjalët që kombinohen me ato të presidentit amerikan Joe Biden i cili, duke vendosur një kurorë në Pentagon (ku vdiqën 64 pasagjerë në aeroplan, përfshirë terroristë dhe 125 persona që ishin në ndërtesë), tha: “Atë ditë historia e Amerikës, ka ndryshuar. Ajo që terroristët shpresonin të ndryshonin, por nuk arritën ta bënin, është karakteri ynë, i përbërë nga forca dhe qëndrueshmëria”.
