Admirali Arvanitas Aleksandër Sakellariu rrëfente ngjarjen e mëposhtme, ashtu siç e kishte dëgjuar nga kapitenët Hidriotë dhe Speciotë të Flotës Detare Luftarake, e cila u zhvillua një natë para se të fillonte Beteja e “Plakut” midis Flotës Helene dhe asaj Egjyptiane në fund të Gushtit dhe fillim të Shtatorit 1824.
“Sapo ra muzgu, anijet helene dhe ato egjyptiane ishin aq afër sa që marinarët e njërës anë mund të dëgjonin bisedat e marinarëve të palës tjetër. Duke dëgjuar, pra, të habitur që të dy po flisnin arbërisht, mes tyre u zhvillua dialogu i mëposhtëm (në shqip):
– Çë jeni ju ore?
– Grek’. Jue (juve) çë jeni?
– Turk’.
– Po neve fliasëm një gliuhë.
– Do yemi ga një farë.
– Nani (tani) si e bëm ashtu?
– Ljëni si çë jan’ nani.
– Nestrë (Nesër), ata çë do rronjën do ken të thon’.
Shënim: Këtë ngjarje na e ka raportuar barba Thanasi Bethani nga Vilja e Atikës, siç e kishte dëgjuar vetë nga Admirali Sakellariu.
