Është një komedi që satirizon të pasurit dhe marrëdhëniet klasore në shoqëritë perëndimore.
Ylli koreano-jugor Song Kang-ho, 55 vjeç, fitoi çmimin për aktorin më të mirë në Festivalin e 75-të të Filmit në Kanë për rolin e tij në filmin “Broker” të regjisorit japonez Hirokazu Kore-Eda. Aktori i preferuar i bashkatdhetarit të tij Bong-Jun-ho dhe ylli i filmit “Parazitët”, i cili fitoi Palmën e Artë në vitin 2019, luan në këtë film nga Kore-Eda një burrë të përfshirë në trafikun e foshnjeve. “Jam shumë i lumtur për të gjithë familjen time”, tha ai duke marrë çmimin e tij në Kanë.
Çmimi për rolin e Aktores më të Mirë iu dha Zar Amir Ebrahimi, aktores iraniane, e cila u detyrua të largohej nga Irani për në Francë në vitin 2008 pas një skandali seksual dhe fitoi çmimin e parë për rolin e saj në thrillerin e Ali Abbas “Holy Spider”.
Në frëngjisht titulli i filmit është “Les nuits de Mashhad”. Aktorja foli në gjuhën e saj, Farsi, gjatë marrjes së çmimit në Kanë. “Sonte kam ndjesinë se kam pasur një udhëtim shumë të gjatë para se të arrij këtu në këtë skenë, një udhëtim i vulosur nga poshtërimi”, tha ajo, duke falënderuar Francën që e strehoi.
Dy filma ndanë Çmimin e Madh të Festivalit të Filmit në Kanë. Triumfoi Regjisorja franceze Claire Denny për filmin e saj “Yjet në mesditë” dhe Regjisori 31-vjeçar belg, Lucas Dodd, për filmin e tij “Close”.
