Miliarderi liberal George Soros paralajmëroi të martën për një “depresion global” dhe tha se pushtimi rus i Ukrainës mund të shikohet më pas si pikënisja e Luftës së Tretë Botërore.
Në darkën e tij vjetore në mes të Forumit Ekonomik Botëror, Soros tha se rrjedha e historisë kishte ndryshuar në mënyrë dramatike që nga ngjarja e fundit në Davos, Zvicër.
“Rusia pushtoi Ukrainën. Kjo e ka tronditur Evropën në thelb”, tha ai para audiencës.
“Bashkimi Evropian është krijuar për të parandaluar që një gjë e tillë të ndodhë. Edhe kur luftimet të pushojnë, siç duhet përfundimisht, situata nuk do të kthehet kurrë si në fillim. Në të vërtetë, pushtimi rus mund të rezultojë të jetë fillimi i Luftës së Tretë Botërore dhe si duket qytetërimi ynë mund të mos i mbijetojë asaj.”
Soros tha se çështjet e tjera që shqetësojnë njerëzimin, të tilla si pandemitë, ndryshimet klimatike dhe shmangia e luftës bërthamore, duhet të vendosen në një vend të dytë.
Duke folur të martën, Soros tha se lufta kundër ndryshimit të klimës është dashur të zërë vendin e dytë mes luftës në Ukrainë. Pushtimi rus i Ukrainës shihet gjerësisht si vendosja e një tranzicioni të planifikuar energjetik në një udhëkryq. Çmimet e gazit dhe naftës janë rritur dhe tregjet botërore të energjisë janë destabilizuar rëndë.
“Kjo është arsyeja pse unë them se qytetërimi ynë mund të mos mbijetojë,”. Mënyra më e mirë dhe ndoshta e vetmja për të ruajtur qytetërimin tonë është të mposhtim Presidentin rus Vladimir Putin. Ky është thelbi”, shtoi ai.
“Prandaj, ne duhet të mobilizojmë të gjitha burimet tona për ta çuar luftën në një fund të hershëm.
