Në një ditë si sot dhe pikërisht më 16 nëntor 1990, një turmë e madhe qytetarësh, shumica të rinj morrën nismën e guximshme për të hapur xhaminë e Plumbit në Shkodër për të falur xhumanë, për të rifituar të drejtën e ushtrimit të lirë të besimit fetar.
Kjo veprimtari ku morrën pjesë rreth 50 mijë vetë nga Shkodra e fshatrat për rreth, pasonte meshën e pak ditëve më parë, të besimtarëve katolikë shkodranë, të udhëhequr nga Dom Simon Jubani, bashkëvuajtës në burg me imam Hafiz Sabri Koçin, i cili luajti një rol të rëndësishëm në veprimtarinë e mësipërme duke qenë i burgosur për 20 vjet, deri më 1986, për arsye të besimin e tij fetar.
Këto ndodhnin në nëntor 1990, ende nën kërcënimin e diktatures komuniste, dhe kur njerëzit e një besimi frymëzonin ata të besimit tjetër, duke përcjellë mesazhin se të gjithë njerëzit e Zotit janë vëllezër.
